روشني اخبار جا ڏھ سال 10 years of weekly Roshni
روشني اخبار جا ڏھ سال 10 years of weekly Roshni سنڌ يونيورسٽي جي شعبي ميڊيا اينڊ ڪميونيڪيشن اسٽيڊيز شاگردن کي صحافت جي عملي ڪم جي سکيا ڏيڻ لاءِ شعبي جي ان وقت جي سربراهه پروفيسر ڊاڪٽر هربخش ماکيجاڻي طرفان هڪ هفتيوار اخبار روشني جي نالي سان ڪڍڻ جو فيصلو ڪيو ويو هو, جنهن کي عملي جامو آغا رفيق پارايو. هن سال روشني کي ڏهه سال پورا ٿي چڪا آهن ۽ اخبار جي شايع ٿيڻ جو سلسلو جاري ۽ ساري آهي، انهن ڏهن سالن ۾ اسان جي استاد سينيئر صحافي سهيل سانگي جو تمام اهم ڪردار رهيو آهي، هي اهو واحد ماڻهو آهي جيڪو ٽن ٻولين ۾ اخبار جي نگراني ڪري رهيو آهي، ان ڏهن سالن ۾ هن اخبار جي ٽيم هر سال مٽجندي رهي آهي، هن شعبي ۾ پڙهندڙ هر شاگرد ان مان فيضياب ٿي چڪو آهي. جڏھن به ميڊيا اينڊ ڪميونيڪيشن اسٽڊيز شعبي ۾ نئون چيئرمين آيو آھي, ان روشني اخبار ۾ مثبت تبديلي آڻڻ جي ڪوشش ڪئي آهي. روشني اخبار جي ويب سائيٽ شعبي جي اڳوڻي چيئرپرسن رضوانه چانگ جي دور ۾ ٺھي. جڏھن ته اخبار جي سرڪيوليشن شعبي جي موجوده چيئرپرسن ڊاڪٽر بدر سومري 500 مان وڌائي 100 ڪئي آھي. ھن اخبار جي خصوصيت ھي به آهي ته اخبار ٽن ...